अखबार नेपाल ट्रेन्डिङ

काठमाडौं: स्वास्थ्य तथा जनसंख्या मन्त्रालयले नेपालमा डेंगु संक्रमणबाट २१ जनाको मृत्यु भएको जनाएको छ ।

मन्त्रालयले हाल ७ वटै प्रदेशको ७५ जिल्लामा डेंगु संक्रमण फैलिएको जनाएको छ ।

मन्त्रालयका अनुसार गत साउनदेखि हालसम्म १७ हजार ५९४ जनामा डेंगु संक्रमित व्यक्ति भेटिएका छन् । सबैभन्दा बढी बागमती प्रदेशमा १२ हजार ९४७ जनामा डेंगु संक्रमित भेटिएको मन्त्रालयको तथ्यांकमा उल्लेख छ ।

त्यस्तै, प्रदेश १ मा ५६०, मधेश प्रदेशमा २६१, गण्डकीमा ४०९, लुम्बिनी प्रदेशमा २ हजार ६४३ जना, कर्णाली प्रदेशमा २०७ र सुदुरपश्चिम प्रदेशमा ५६७ जनामा डेंगु संक्रमित भेटिएको मन्त्रालयले जनाएको छ ।