अखबार नेपाल ट्रेन्डिङ

काठमाडौं: नेपालमा पछिल्लो २४ घण्टामा ८ हजार ४ सय ५४ जनामा कोरोना भाइरसको संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

मन्त्रालयका अनुसार देशभरका विभिन्न प्रयोगशालामा गरिएको १३ हजार ५ सय ४९ जनाको पीसीआर परीक्षणमा ५ हजार ५ सय ७१ र ६ हजार ८ सय १० जनाको एन्टिजेन विधिबाट गरिएको परीक्षणमा २ हजार ८ सय ८३ जनामा कोरोना पुष्टि भएको जनाएको छ ।

पछिल्लो २४ घण्टामा ५ कोरोना संक्रमितको मृत्यु भएको छ ।

सोह अवधिमा मुलुकका विभिन्न अस्पतालबाट ४ हजार ४ सय ३३ जना कोरोना संक्रमणमुक्त भएको मन्त्रालयले जानकारी दिएको छ ।

स्वास्थ्य मन्त्रालयका अनुसार निको हुने दर ८९ दशमलब २ रहेको छ ।