अखबार नेपाल ट्रेन्डिङ

काठमाडौं: पछिल्लो २४ घण्टामा देशभर थप ९ सय ४४ जनामा कोरोना भाइरस संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

मन्त्रालयका अनुसार शनिबार १३ हजार २ सय ६४ जनामा परीक्षण गर्दा सो संख्यामा कोरोना पुष्टि भएको जनाएको हो ।

यस्तै सोही अवधिमा २ सय ९७ जना निको भएका छन् । पछिल्लो २४ घण्टामा मृत्यु भने कसैको पनि भएको छैन ।

मन्त्रालयका अनुसार हाल देशभर कोरोना संक्रमितको कुल संख्या पीसीआर विधिबाट भएको परीक्षणमा ८ लाख ३१ हजार ७ सय ४८ र एन्टिजेन विधिबाट भएको परीक्षणमा ९७ हजार ८९ जना पुगेको छ ।

संक्रमितमध्ये हालसम्म ८ लाख १८ हजार ६ जना निको हुँदा कुल ११ हजार ६ सय २ जनाको मृत्यु भएको छ ।

हाल देशभर ६ हजार १ सय ४० जना सक्रिय संक्रमित रहेका छन् ।