अखबार नेपाल ट्रेन्डिङ

काठमाडौं: स्वास्थ्य तथा जनसंख्या मन्त्रालयका अनुसार देशभर आज ७ हजार ३ सय ६८ जना कोरोना संक्रमित थपिएका छन् ।

पछिल्लो २४ घण्टामा १९ हजार ५ सय ३९ नमुनाको परीक्षण गर्दा ७ हजार ३ सय १६ जना र ३ सय ४४ जनाको एन्टिजेन परीक्षण गर्दा ५२ जनामा संक्रमण पुष्टि भएको हो ।

काठमाडौं उपत्यकामा मात्र २ हजार ६ सय ९ जना संक्रमित भेटिएका स्वास्थ्य तथा जनसंख्या मन्त्रालयले जनाएको छ ।

ती मध्ये काठमाडौंका १ हजार ८ सय ८१ जना, ललितपुरका ४ सय ३६ जना र भक्तपुरका २ सय ९२ जना रहेका छन् ।

यससँगै देशभर संक्रिय संक्रमितको संख्या १ लाख १० हजार २ सय ६३ पुगेको छ ।

तीमध्ये १ लाख २ हजार ४ सय ५५ जना होम आइसोलेसनमा बसेका छन् ।

१ हजार ३ सय १३ जना आइसीयुमा र ३ सय ८० जना भेन्टिलेटरमा उपचार भइरहेको छ ।

यही अवधिमा १ सय ४५ जनाको मृत्यु भएको छ भने ६ हजार ६ सय ४८ जना कोरोनामुक्त भएका छन् ।