अखबार नेपाल ट्रेन्डिङ

काठमाडौं: विश्वभर महामारीको रुपमा फैलिएपछि कोरोना भाइरस नियन्त्रणका लागि नेपाल सरकारले गरेको ‘लकडाउन’को चौथो दिन आज काठमाडौं उपत्यकासहित देशभरका शहर सुनसान देखिएको छ । सरकारको निर्देशनको पूर्णपालना गर्दै कोरोना भाइरसको रोकथाम तथा नियन्त्रणको प्रयासलाई नेपालीहरुले साथ दिएका छन् ।

लकडाउनका कारण काठमाडौंका सडक तथा बजार क्षेत्र आज पनि सुनसान छन् । दैनिक उपभोग्यका पसलहरु भने बिहान फाट्टफुट्ट खुलेका छन् । तरकारी, दूध किन्नका लागि केही मानिसहरु पसलमा देखिएका छन् । बिहानबाट शहरका चोक-चोकमा प्रहरीको बाक्लो उपस्थिति रहेको पाईन्छ ।

सरकारले चोक-चोक र बस्तीमा समेत प्रहरी पठाएर मानिस तथा सवारी साधनको आवागमनमा रोक लगाएको छ । अधिकांश सर्वसाधारण अत्यावश्यक काम बाहेक घर बाहिर ननिस्कन नेपाली सेनाले पनि माइकिङ गर्दै सर्वसाधारणलाई सचेत तुल्याईरहेको छ । प्रहरीहरु पञ्जा र मास्क सहित ड्युटीमा खटिएका छन् । आवतजावत गर्ने यात्रु र सवारी साधनबाट करिब एक मिटरको दुरी कायम गर्दै प्रहरी ड्युटीमा खटिएको पाईएको छ ।

{तस्बीरमा काठमाडौं उपत्यका}