अखबार नेपाल ट्रेन्डिङ

एजेन्सी: प्रजातान्त्रिक जनगणतन्त्र उत्तर कोरियामा स्थानीय स्तरको जनप्रतिनिधि चयनका लागि निर्वाचन सम्पन्न भएको छ । प्रान्त, शहर तथा जिल्लास्तरीय नेतृत्व चयनका लागि स्थानीय समय अनुसार आईतबार बिहान ९ बजेदेखि मतदान शुरू भै दिनभर मतदान भएको उत्तर कोरियाली राज्य सञ्चालित समाचार संस्था केसीएनएले जनाएको छ ।

मतदानमा झण्डै ९९.९८ प्रतिशत मतदाताले सहभागिता जनाएका केसीएनएले जनाएको छ । निर्वाचनबाट स्थानीय सरकारका रूपमा चिनिने स्थानीय प्रशासक गभर्नर, नगर प्रमुख तथा गाउँ प्रमुख तथा अन्य पदाधिकारीको छनोट हुनेछ । उत्तर कोरियाको सर्वोच्च जनसभा सुप्रिम पिपल्स एसेम्ली का लागि गत मार्चमा निर्वाचन भएको थियो भने यस पहिले स्थानीय निर्वाचन सन् २०१५ मा भएको थियो ।