अखबार नेपाल ट्रेन्डिङ

एजेन्सीः आकाशमै जहाज ठोक्किनु दुर्लभ घटना हो । यस्तै घटना घटेको छ हिजो । आकाशमा उडिरहेकै समयमा जहाज ठोक्किदा चार जनाको एकै चिहान भएको छ ।

अमेरिकाको नाभाडा राज्यको उत्तरी लस भेगास एयरपोर्टको आकाशमा दुई विमान ठोक्किएको अन्तर्राष्ट्रिय सञ्चारमाध्यमहरुले जानकारी दिएको छ । जानकारी अनुसार आइतबार मध्याह्न विमानहरु एकापसमा ठोक्किएको बताईएको छ ।

दुर्घटनाबारे अहिले पनि अनुसन्धान भइरहेको उत्तरी लस भेगास फायर डिपार्टमेन्टले जानकारी दिएको छ ।

विमानस्थलमा पाइपर पीए-४६ विमान अवतरण गर्ने तयारी गरिरहेको समयमा सेस्ना १७२ सँग ठोक्किएर दुर्घटना भएको प्रारम्भिक अध्ययनले देखाएको छ । दुवै विमानमा २र२ जना सवार थिए । यद्यपि विमानमा सवार मानिसहरु को थिए भन्ने जानकारी दिइएको छैन ।