अखबार नेपाल ट्रेन्डिङ

दोहा: कतार सरकारले कोभिड-१९ सम्बन्धी सरकारले जारी गरेको सावधानीका उपायहरू उल्लंघन गर्ने ४ सय ९५ जनालाई कारबाही गरेको छ ।

कतारको आन्तरिक मन्त्रालयका अनुसार ४ सय ७१ जनालाई सार्वजनिक रूपमा मास्क नलगाएकोमा ९ जनालाई गाडीमा अनुमति दिइएको भन्दा बढी मानिस राखेकोमा ८ जनालाई एहतेराज एप प्रयोग नगरेकोमा र बाँकी ७ जनालाई सामाजिक दूरी कायम नगरेकोमा कारबाही गरिएको जनाएको छ ।

कतारको कानून १९९० को नम्बर १७ मा आधारित मन्त्रिपरिषद्को निर्णय अनुसार संक्रामक रोगहरू सम्बन्धी सक्षम अधिकारीहरूले धेरै व्यक्तिलाई कोभिड-१९ रोकथाम र सावधानीका उपायहरू उल्लंघन गरेको आरोपमा मुद्दा चलाउन सिफारिस गरेको मन्त्रालयले जारी गरेको विज्ञप्तिमा उल्लेख गरिएको छ ।

मन्त्रालयले जनता र उनीहरुलाई समाजमा कोरोना भाइरसको फैलावटबाट जोगाउनका लागि सावधानी र रोकथाम सम्बन्धी निर्णयहरूको पालना गर्नसमेत आग्रह गरेको छ ।

प्रदेश २ सरकारले २० हजार ‘बेटी’लाई साइकल बाँड्दै