अखबार नेपाल ट्रेन्डिङ

एजेन्सीः कोरोना भाइरस महामारीबाट विश्वभर हालसम्म २ करोड २५ लाख ७७ हजार ६ सय ४१ जना संक्रमित भएका छन् ।

तीमध्ये १ करोड ५३ लाख ८ सय ५३ जना उपचारपछि निको भएका छन् भने ७ लाख ९० हजार ९ सय ७७ जनाको मृत्यु भएको छ ।

सबैभन्दा धेरै संक्रमित भएको मुलुक अमेरिकामा हालसम्म ५६ लाख ५५ हजार ७४ जना संक्रमित भएका छन् ।

त्यहाँ १ लाख ७५ हजार ७४ जनाको मृत्यु भएको छ भने ३० लाख ११ हजार ९८ जना उपचारपछि निको भएका छन् ।

यसैगरी ब्राजीलमा हालसम्म ३४ लाख ११ हजार ८ सय ७२ जना संक्रमित भएका छन् । ब्राजीलमा १ लाख १० हजार १९ जनाको मृत्यु भएको छ भने २५ लाख ५४ हजार १ सय ७९ जना उपचारपछि निको भएका छन् ।

धेरै संक्रमित हुने मुलुकको तेस्रो नम्बरमा रहेको भारतमा २८ लाख ३५ हजार ८ सय ८२ जना संक्रमित पुगेका छन् । भारतमा २० लाख ९६ हजार ६८ जना उपचारपछि निको भएका छन् ।

भारतमा हालसम्म ५३ हजार ९ सय ९४ जनाको मृत्यु भएको छ । भारतमा अहिले ६ लाख ८५ हजार २ सय ३१ जनाको उपचार भइरहेको छ ।