अखबार नेपाल ट्रेन्डिङ

काठमाडौं: विश्वभर कोरोना भाइरस संक्रमितको संख्या २ करोड नाघेको छ ।

हालसम्म विश्वमा कोरोना संक्रमितको संख्या २ करोड ५ लाख २२ हजार १ सय ९२ पुगेको छ । कोरोना संक्रमणबाट ७ लाख ४५ हजार ९ सय २७ जनाले ज्यान गुमाएका छन् । हालसम्म कोरोना संक्रणबाट १ करोड ३४ लाख ४१ हजार ९ सय १३ निको भएकर घर फर्किएका छन् ।

चीनको वुहानबाट सुरु भएको कोरोनाको संक्रमण अहिले विश्वका २ सय १६ देशमा फैलिएको छ । कोरोनाको संक्रमण सबैभन्दा धेरै अमेरिकामा फैलिएको छ ।

अमेरिकामा संक्रमित संख्या ५३ लाख ४ हजार ३ सय ६२ पुगेको छ । बितेको २४ घण्टामा ५२ हजार ९ सय २४ संक्रमित थपिएका छन् । त्यस्तै २४ घण्टाको अवधिकमा संक्रमित १ हजार ३ सय ९५ जनाले ज्यान गुमाएका छन् । अहिलेसम्म अमेरिकामा कोरोनाबाट ज्यान गुमाउनेको संख्या १ लाख ६७ हजार ५ सय ८७ पुगेको छ ।

कोरोना संक्रमणको दर अमेरिकापछि दोस्रो स्थानमा ब्राजिल छ । ब्राजिलमा कोरोना संक्रमितको संख्या ३१ लाख १२ हजार ३ सय ९३ पुगेको छ । २४ घण्टामा ५४ लाख ९ सय २३ संक्रमित थपिएका छन् ।

बितेको २४ घण्टामा ब्राजिलमा १ हजार २ सय ४२ जनाले ज्यान गुमाएका छन् । योसँगै ज्यान गुमाउनेको संख्या १ लाख ३ हजार ९९ पुगेको छ । संक्रमित २२ लाख ४३ हजार १ सय २४ जना कोरोनालाई जितेर घर फर्किएका छन् ।