अखबार नेपाल ट्रेन्डिङ

एजेन्सीः विश्वभरी महामरीको रुपमा फैलिएको कोरोना भाइरसको महामारीविरुद्ध रणनीति बनाउन जी-ट्वान्टी देशका राष्ट्रप्रमुखहरुको आज भिडियो कन्फ्रेन्सिङ्ग मार्फत बैठक हुँदैछ ।

यस अभियानका लागि भारतका प्रधानमन्त्री नरेन्द्र मोदीले यस्तो बैठकको प्रस्ताव गरेका थिए । जी–ट्वान्टीको अध्यक्षता गरिरहेको साऊदी अरेबियाका राजा मोहम्मद बिन सलमानले यस प्रस्ताव स्वीकार गरेपछि आज बैठक हुन लागेको हो । बैठकमा अमेरिकी राष्ट्रपति डोनाल्ड ट्रम्प, चीनका राष्ट्रपति सी जिनपिङ र रुसका राष्ट्रपति भ्लादिमिर पुटिनसहित सबै २० देशका राष्ट्रप्रमुख सहभागी हुनेछन् । कन्फरेन्समा विश्व स्वास्थ्य संगठन र विश्व बैंकका प्रतिनिधि पनि सहभागी हुने जनाईएको छ ।

कोरोना भाइरसले उत्पन्न महामारी र निम्त्याएको आर्थिक संकटबारे यस बैठकमा कुराकानी हुनेछ । विश्व स्वास्थय संगठन र विश्व बैंकका प्रतिनिधि पनि बैठकमा सहभागी हुनेछन् । जी-ट्वान्टी संसारका शक्तिशाली देशहरुको समुह हो ।

जी–ट्वान्टी राष्ट्रहरुमा अर्जेन्टिना, अस्ट्रेलिया, ब्राजिल, क्यानाडा, चीन, फ्रान्स, जर्मनी, भारत, इन्डोनेसिया, इटाली, जापान, मेक्सिको, रुस, साउदी अरेबिया, दक्षिण अफ्रिका, दक्षिण कोरिया, स्पेन, टर्की, संयुक्त राज्य र अमेरिका सामेल छन् ।