अखबार नेपाल ट्रेन्डिङ

काठमाडौं: चलचित्र विकास बोर्डका अध्यक्ष केशव भट्टराई निधन भएको छ । भट्टराईको आइतबार राती १० बजेर २० मिनेटमा निधन भएको हो । उनको स्वास्थ्यमा अचानक समस्या आएपछि उनलाई उपचारका लागि ओम अस्पताल लगिएको थियो । अस्पताल पुर्‍याइएका उनलाई तत्काले मृत घोषणा गरिएको थियो । उनको अचानक मृत्यु के कारणले भयो भन्ने बारेमा केही खुलेको छैन ।

भट्टराई आठ महिनाअघि चलचित्र विकास बोर्डको अध्यक्षमा नियुक्त भएका थिए । उनले थुप्रै चलचित्र तथा टेलिसिरियलमा अभिनय गर्नुका साथै निर्माण समेत गरेका छन् । ‘आफ्नो मान्छे’, ‘छोडी गए पाप लाग्ला’, ‘देवर बाबु’, ‘कर्मयोद्धा’, ‘सो सिम्पल’, ‘ब्रासलेट’, ‘यात्रा’ लगायतका चलचित्रहरु उनका सफल चलचित्र मानिन्छन् । भट्टराईको जन्म २०२५ मंसिर ४ मा ओखलढुंगामा भएको थियो । करिब ३ दशकदेखि अभिनय र सिनेमा निर्माणमा सक्रिय रहँदै आएका थिए । ५४ वर्षिय भट्टराईको एक पत्नी र छोरा छन् ।