तारादेवी सुनुवारले ल्याइन् जन्मदिनको उपहार ‘फेनेरेल्फु रेल्षा:आ’
वि.सं.२०८० मंसिर २८ बिहीवार १४:२९
काठमाडौं: साहित्यकार तथा लेखक तारादेवी सुनुवारले आफ्नो जन्मदिनको अवसर पारेर सुनुवार ‘कोईँच’ भाषाको गीत फेनेरेल्फु रेल्षा:आको म्यूजिक भिडियो सार्वजनिक गरेकी छिन् ।
बुधबार एक कार्यक्रमबीच नेपाली चलचित्र निर्देशक, लेखक तथा निर्माता प्रकाश सायमीको प्रमुख आतिथ्य तथा सुनुवार राष्ट्रसेवक समाजका अध्यक्ष अमरदीप सुनुवारद्वारा संयुक्त रुपमा उक्त म्युजिक भिडियोको सार्वजनिकिकरण गरिएको हो ।
तारादेवी सुनुवार स्वयंले रचना गरेको मातृभाषा सुनुवार गीत ‘फेनेरेल्फु रेल्षा:आ’ को म्यूजिक भिडियो आफ्नै युट्युब च्यानल मार्फत् सार्वजिनक गरेकी छिन् । उक्त मातृभाषा गीतमा पुष्कर सुनुवार र रचनाकार स्वयंको आवज सुन्न सकिनेछ ।
मातृभाषा म्यूजिक भिडियोको निर्देशन र कोरियोग्राफ भने बृहसमान सुनुवारले गरेका छन् । म्यूजिक भिडियोमा बृहसमान सुनुवार र अन्जु सुनुवार लगायतका कलाकारले जोडदार अभिनय गरेका छन् । भिडियोको छायांकन तथा सम्पादन मोहन सुनुवारले गरेका छन् ।
भिडियो सहितः
वि.सं.२०८० मंसिर २८ बिहीवार १४:२९