‘मृत्यु एक बिन्ती छ’ बोलको लिरिकल म्युजिक भिडियो सार्बजनिक {भिडियो सहित}
वि.सं.२०७७ मंसिर १३ शनिवार ०९:५३
काठमाडौं: वरिष्ठ कवि तथा गीतकार भुपाल राईको शब्द रहेको ‘मृत्यु एक बिन्ती छु’ बोलको लिरिकल म्युजिक भिडियो सार्बजनिक भएको छ ।
यस गीतलाई युवा संगीतकार आश कुमार राईले संगीत भरेका छन् भने लोकप्रिय गायक उदय सोताङको स्वर रहेको छ । गीतको संगीत संयोजन बरिष्ठ संगीतकार लाहाङ सुब्बाले गरेका छन् । त्यस्तैगरी मिक्सिङ तथा मास्टरिङ बरिष्ठ साउण्ड ईन्जिनियर तथा रेकर्डिष्ट मित्र लामाले गरेका छन ।
संगम रेकर्डिङ स्टुडियोमा रेकर्डिङ भएको उक्त गीतलाई ओजस स्टुडियो प्रालिले भिडियो निर्माण गरेको हो भने यो गीतको लिरिकल भिडियो सम्पादन धड्कन लिम्बु तथा नरोत्तम पाण्डेले गरेका छन् । चावहिल स्थित सत्कार क्याफेमा यस गीतको लिरिकल म्युजिक भिडियो सार्बजनिक गरिएको हो ।
यस गीतको बारेमा गीतकार भुपाल राई भन्छन्, ‘सयौं गीतहरु लेखिए रेकर्ड भए आ-आफ्नो ठाँउमा सबै गीतहरुको महत्व र सान्दर्भिकता उत्तिकै मुल्यको छ । तर यो गीत ती गीतहरु भन्दा फरक गीत हो । यो गीत एउटा सामाजिक, राजनितिक, दार्शनिक र ब्रह्माण्डिय चेत सहितको भौतिकबादी दृष्टिकोणबाट समाज रुपान्तरणको अभिष्ट पोख्ने गीत हो, यस अर्थमा यो गीत अरु गीतहरु भन्दा फरक छ ।’
बजारमा चलेका सतही गीतहरु भन्दा चेतना र दृष्टिकोणमा शन्देस प्रबाहको हिसाबले यो गीत निक्कै माथि छ र, जिबन्त रहेको संगीतकार आश कुमार राईले बताए । संगीतकार राई भन्छन, ‘जिन्दगीको अन्तिम सत्य भनेको नै मृत्यु हो । मान्छे र जिन्दगी बीच रस्साकस्सीको ‘फाइनल म्याच’ हो मृत्यु । त्यसैले बाँच्दा र मर्दा एउटा गतिलो परिचय छोड्नुपर्छ ।’
यस गीतको म्युजिक भिडियो कवि तथा गीतकार भुपाल राईको आफ्नै अफिसियल युट्युब च्यानलबाट सार्बजनिक गरिएको छ ।
{भिडियो सहित}
वि.सं.२०७७ मंसिर १३ शनिवार ०९:५३