महालक्ष्मी विकास बैंकको वैभव बचत खाता सञ्चालन
वि.सं.२०७८ जेठ १० सोमवार २१:४३
काठमाडौं: महालक्ष्मी विकास बैंक लिमिटेडले ५.५० प्रतिशत ब्याजदरको आकर्षक वैभव बचत खाता सञ्चालनमा ल्याएको छ । बैंकले आफ्नो २७ औँ वार्षिक उत्सवको अवसरमा उक्त बचत खाता सञ्चालनमा ल्याएको हो।
ग्राहकले बैंकको कुनै पनि शाखा कार्यालयमा उपस्थित नभई आफू रहेको स्थानबाट नै आफ्नो नजिकैको शाखामा अनलाइनमार्फत सजिलै यस खाता खोल्न सक्ने बैंकले जनाएको छ ।
उच्चतम प्रतिफल प्राप्त गर्न सकिने वैभव बचत खातामा मोबाइल बैंकिङ, इन्टरनेट बैंकिङ, डिम्याट र मेरो सेयरजस्ता आवश्यक सुविधाहरुमा प्रथम वर्षका लागि सतप्रतिशत छुट प्रदान गरिएको छ। उक्त खातामा लकर सुविधामा ५०% छुट दिनुका साथै कनेक्ट आईपीएसको सुविधा रहेको बैंकले जनाएको छ ।
यस विषम परिस्थितिमा मोबाइल बैंकिङ, इन्टरनेट बैंकिङ, कनेक्ट आईपीएस, क्यूआर कोडलगायतका विद्युतीय बैंकिङ सेवा प्रयोग गरी विद्युतीय कारोबारलाई प्रोत्साहन गर्दै कोरोना संक्रमणबाट आफू बच्न र अरुलाई पनि बचाउन सम्पूर्ण ग्राहकलाई बैंकले अनुरोध गरेको छ।
यो पनि पढ्नुहोस् :
नेपालका विभिन्न भूभागमा हावाहुरी, वर्षा र हिमपातको सम्भावना
वि.सं.२०७८ जेठ १० सोमवार २१:४३