अखबार नेपाल ट्रेन्डिङ

काठमाडौं: एनएमबि बैंकले संस्थागत सामाजिक उत्तरदायित्व अन्तरगत रुपन्देहीको तिलोत्तमा नगरपालिका स्थित तिलोत्तमा पार्कमा  वृक्षरोपण गरेको छ । पार्कमा ड्र्यागन फ्रुट, अम्बा, आप, लिचि र कटहर लगायत करिब फलफूलका बिरुवा रोपिएको हो ।

एनएमबि बैंकका प्रमुख कार्यकारी अधिकृत गोविन्द घिमिरेले बिरुवा रोपरे वृक्षरोपण कार्यक्रम शुरु गरे । उनले एनएमबि बैंक दिगो विकास अन्तरगत वातावरण मैत्री  र पर्यावरण संरक्षणको लागि प्राथमिकता राखेर काम गरिरहेको बताए । उनले  जलवायु परिवर्तनको असरबाट पर्ने नकारात्मक प्रभावबाट जोगिन एनएमबि बैंकले सातै प्रदेशमा वृक्षरोपण तथा वातावरण सरसफाइका अभियान निरन्तर गरिरहेको जानकारी दिए ।

तिलोत्तमा-६ का अध्यक्ष गणेश पाठकले एनएमबि बैंकले तिलोत्तमा नगरपालिकाको तिलोत्तमा पार्क छ्नोट गरी वृक्षरोपण गरेको भन्दै आभार व्यक्त गरे । पार्कका अध्यक्ष दिपक पाठकले तिलोत्तमा नगरपालिकामा रहेको तिलोत्तमा पार्कलाइ उत्कृष्ट र सबैको आकर्षणको केन्द्र बनाउने अभियानमा लागेको बताए ।  हाल देशभर २०२ शाखा, १८७ एटीएम र ९ एक्सटेन्सन काउन्टरमार्फत उच्चस्तरीय सेवा प्रदान गदै आइरहेको एनएमबी बैंकले जनाएको छ ।