अखबार नेपाल ट्रेन्डिङ

काठमाडौं: साल्ट ट्रेडिङ कर्पोरेसन लिमिटेडले एक वर्षमा ६ करोड बढी खुद नाफा कमाएको छ । आइतबार प्रकाशन गरेको गत आर्थिक वर्ष २०८०-८१ को चौंथो त्रैमासिक वित्तीय विवरणले यस्तो देखाएको हो ।

गत आ.व.मा कम्पनीको खुद नाफा ६ करोड २१ लाख रुपैयाँ कायम भएको छ । तर, कम्पनीको नाफा अघिल्लो आ.व.को तुलनामा भने १९.७७ प्रतिशत कमी हो । अघिल्लो आ.व.मा पनि कम्पनीले ७ करोड ८८ लाख नाफा कमाएको थियो । नाफा घटेपनि आम्दानी पनि उच्च दरमा बढाएको छ । अघिल्लो आ.व.मा कम्पनीको आम्दाननी ८ अर्ब ७८ करोड रुपैयाँ रहेको थियो । तर, गत आ.व.मा आइपुग्दा भने ५२ प्रतिशत बढेर १३ अर्ब ३५ करोड रुपैयाँ पुगेको छ ।

हाल कम्पनीको पुँजी ३२ करोड ७ लाख रुपैयाँ रहेको छ । कम्पनीले जगेडा कोषमा १ अर्ब ४१ करोड रुपैयाँ राखेको छ । कम्पनीको प्रतिसेयर आम्दानी (इपिएस) १९ रुपैयाँ ७१ पैसा र प्रतिसेयर नेटवर्थ ३९७ रुपैयाँ ६२ पैसा रहेको छ ।