अखबार नेपाल ट्रेन्डिङ

काठमाडौं: मुक्तिनाथ विकास बैंकले गत आर्थिक वर्षको चौथो त्रैमाससम्ममा १ अर्ब ३७ करोड नाफा आर्जन गरेको छ ।

अघिल्लो आर्थिक वर्षको सोही अवधिको तुलनामा १८ दशमलव ४७ प्रतिशत बढी नाफा आर्जन गरेको छ ।

अघिल्लो आर्थिक वर्षको सोही अवधिसम्ममा बैंकले एक अर्ब १५ करोड रुपैयाँ खुद नाफा कमाएको थियो ।

बैंकको खुद ब्याज आम्दानी २१ दशमलव ०८ प्रतिशत, कुल सञ्चालन आम्दानी २ दशमलव २२ प्रतिशत र सञ्चालन मुनाफा १९ दशमलव ५० प्रतिशत बढाएको छ ।

बैंकको खुद फि तथा कमिसन आम्दानी २२ दशमलव २२ प्रतिशत घटेको छ । नाफासँगै बैंकको प्रतिशेयर आम्दानी १८ पैसा बढेर २४ रुपैयाँ २२ पैसा पुगेको छ ।