हिमालयन र सिभिल बैंक गाभिदै
वि.सं.२०७९ असार २३ बिहीवार ०९:५८
काठमाडौं: हिमालयन बैंक र सिभिल बैंकबीच एक आपसमा मर्जको सम्झौता हुने भएको छ ।
नेपाल इन्भेष्टमेन्ट बैंकसँग हिमालयन बैंकको मर्जर टुटेपछि हिमालयन बैंकलाई अर्को वित्तीय संस्थासँग मर्ज गर्ने बाध्यता बनेको थियो ।
सिभिल बैंक स्रोतका अनुसार हिमालयनले प्रति शेयर ८१ रुपैयाँका दर पाउने भएको बताइएको छ । इन्भेष्टमेन्टले भने मेगा बैंकलाई गाभ्ने सहमति गरिसकेको छ ।
राष्ट्र बैंकले हिमालयनलाई एक बर्षको समय दिँदै अर्को बाणिज्य बैंकसँग मर्जर हुन निर्देशन दिएको थियो ।
मर्जरका लागि भएको प्रारम्भिक सहमति अनुसार, नयाँ बैंकमा सिभिल बैंकबाट कोही पनि सञ्चालक बन्ने छैनन् ।
प्रमुख कार्यकारी अधिकृतमा हिमालयन बैंकका अशोक राणाले नै निरन्तरता पाउने छन् ।
वि.सं.२०७९ असार २३ बिहीवार ०९:५८