अखबार नेपाल ट्रेन्डिङ

काठमाडौं: गुराँस लाइफ इन्स्योरेन्स कम्पनी लिमिटेडद्वारा कम्पनीको संस्थागत सामाजिक उत्तरदायित्व अन्तर्गत अनाथ बालबालिकाहरुलाई न्यानो कपडा, झोला तथा स्टेश्नरी वितरण गरेको छ ।

बुढानिलकण्ठ नगरपालिका-३ मुहानपोखरीमा नव युवा बाल सुधार समाजमा रहेको अनाथ बालबालिकाहरुलाई एक कार्यक्रमकाबीच कम्पनीका प्रमुख कार्यकारी अधिकृत विपिन कुमार लालले समाजका अध्यक्ष शिव शंकर नेपाली मार्फत बालबालिकालाई उक्त सामाग्री हस्तान्तरण गरेको हो ।

वडा अध्यक्ष बालकृष्ण श्रेष्ठको प्रमुख आतिथ्यतामा सञ्चालित उक्त कार्यक्रममा कम्पनीका क्षेत्रीय कार्यालय ललितपुरका क्षेत्रीय प्रमुख रुपक के.सी.ले स्वागत मन्तव्य व्यक्त गर्नुका साथै कम्पनीका प्रबन्धक बोधलाल पुरीले सञ्चालन गरेको कार्यक्रममा कम्पनी कर्मचारी संघका अध्यक्ष सुशन नेपाल तथा कम्पनीका कर्मचारीहरुको उपस्थिति रहेको थियो ।

विगत १९ वर्षदेखि सञ्चालनमा रहेको नव यूवा बाल सुधार समाजलाई CSR अन्तर्गत कम्पनीको तर्फबाट सानो सहयोग गर्न पाएकोमा आफूलाई खुशी लागेको र कम्पनीको यस किसिमका कार्यक्रमलाई निरन्तरता दिने जानकारी दिँदै वडा अध्यक्ष श्रेष्ठले यस कार्यक्रमको लागि कम्पनीलाई धन्यवाद व्यक्त गरे ।

यस सहयोग हस्तान्तरण कार्यक्रमको लागि समाजको तर्फबाट धन्यवाद गर्दै समाज र राष्ट्रका कर्णधार बालबालिकालाई गरेको यस सहयोग सधैँ सम्झिरहने समेत जानकारी गराए ।