अखबार नेपाल ट्रेन्डिङ

काठमाडौं: सहिद स्मारक ‘ए’ डिभिजन लिग फुटबलमा शीर्षस्थानमा रहेको मछिन्द्र फुटबल क्लबले संघर्षपूरण जित निकालेको छ ।

मछिन्द्रले आत्मघाती गोलको मद्दतमा रेलिगेसन जोनको पुछारमा रहेको फ्रेन्ड्स क्लबमाथि संघर्षपूर्ण जित निकालेको हो ।

त्रिपुरेश्वरस्थित दशरथ रंगशालामा आज भएको खेलमा मछिन्द्रले फ्रेन्ड्सलाई दवावमा राखेपनि गोलको लागि संघर्षपूर्ण खेलको दोस्रो हाफमा आत्मघाती गोलबाट १-० गोलको नतिजा निकालेको हो ।

खेलको ६७औं मिनेटमा आत्मघाती गोलबाट मछिन्द्रले खेलमा १–० को अग्रता लिन सफल भयो । कप्तान सुजल श्रेष्ठको क्रसलाई आकाश राईले हेड गर्दा रोनेल एन्थोनी पउलले हेडमार्फत गोलरक्षक राहुललाई दिएको पासले जाली चुम्न पुगेको थियो ।

जितसँगै अपराजित रहेर शीर्षस्थानमा रहेको मछिन्द्रको ८ खेलबाट २० अंक पुगेको छ ।

लगातार हारसँगै फ्रेन्ड्सको रेलिगेसनको दवाव बढेको छ ।

फ्रेन्ड्स ८ खेलबाट ३ अंक जोडेर पुछारमा रहेको छ ।