अखबार नेपाल ट्रेन्डिङ

काठमाडौं: राष्ट्र बैंकले नेपालका सबै बैंकहरुलाई आफ्ना ‘एटीएम’मा नेपाली भाषाको प्रयोग गर्न निर्देशन दिएको छ । एटीएमको भाषालाई नेपालीकरण गर्न राष्ट्र बैंक्ले ३० दिने अल्टिमेटम समेत दिएको हो ।

एटीएममा नेपाली भाषा नभएकाले असहजता भएको गुनासो आएको भन्दै राष्ट्र बैंकले यस्तो निर्देशन दिएको हो । तोकिएको अवधिभित्र नेपाली भाषाको प्रयोग गरी कारोबार गर्न सकिने व्यवस्था मिलाइएको नपाइएमा भुक्तानी तथा फर्छौट ऐन, २०७५ अनुसार कारबाही गरिने राष्ट्र बैंकले जनाएको छ ।

हाल राष्ट्रिय वाणिज्य बैंक र अन्य केही निजी बैंकले मात्र नेपाली भाषामा एटीएम सेवा दिँदै आएका छन् । नेपाल राष्ट्र बैंकका अनुसार देशभर कुल ४० लाख ७१ हजार सक्रिय एटीएम कार्ड प्रयोगकर्ता र्छन् ।