अखबार नेपाल ट्रेन्डिङ

काठमाडौं: सानिमा लाइफ इन्स्योरेन्स कम्पनीले सर्वसाधारणका लागि आजबाट आईपीओ बिक्री खुल्ला गरेको छ ।

कम्पनीले ६० करोड रुपैयाँ बराबरको ६० लाख कित्ता सेयर बिक्री खुला गरेको हो ।

कम्पनीले सर्वसाधारणमा बिक्री गर्ने कुल ६० लाख कित्ता आईपीओमध्ये ५ प्रतिशत अर्थात ३ लाख कित्ता कर्मचारीहरुलाई र ५ प्रतिशत सामूहिक लगानी कोषहरुलाई छुट्याएको छ ।

बाँकी रहेको ५४ लाख कित्ता सेयरमा सर्वसाधारणले आवेदन दिन पाउने छन ।

सार्वजनिक निष्कासनमा आउने ५४ लाख कित्ता सेयर खरिदको लागि मात्र सर्वसाधारणले आवेदन दिन सक्नेछन् ।

कम्पनीले कुल जारी पूँजीको ३० प्रतिशत सेयर सर्वसाधारणमा विक्री गर्न लागेको हो ।

यो आइपीओ साउन २४ गतेसम्म विक्रीमा रहनेछ ।

कम्पनीले आईपीओ विक्रीको छिटो अवधि साउन २४ र ढिलो अवधि भदौ २ गतेसम्मको मिति तय गरेको छ ।

आईपीओ खरिदका लागि न्यूनतम १० कित्तादेखि ३० हजार कित्तासम्मका लागि आवेदन दिन सकिने व्यवस्था छ ।

यस कम्पनीको सेयर करिब ५ लाख ४० हजारले पाउने देखिन्छ । त्यसैले १० कित्ताका लागि आवेदन दिदा पुग्ने देखिन्छ ।

यो आईपीओ निष्काशन तथा बिक्री प्रवन्धकमा प्रभु क्यापिटल लिमिटेड रहेको छ ।

विक्री प्रबन्धकसँगै सि–आस्बा सेवामा सहभागी सम्पूर्ण बैंक तथा वित्तीय संस्था र तिनका शाखा कार्यालयबाटसँगै मेरोशेयर वेबसाइट तथा एप मार्फत समेत आवेदन दिन सकिनेछ ।