अखबार नेपाल ट्रेन्डिङ

काठमाडौं:  मारुती सुजुकी इन्डियाले बेस्ट सेलिङ कारमा एकपटक फेरि आफ्नो दबाब कायम राखेको छ । पछिल्लो १ वर्षको अवधिमा टप ५ सेलिङ कारमा मारुतीका विभिन्न मोडल समावेश भएका छन्।

यो एक वर्षको अवधिमा मारुतीको स्विफ्ट, बलेनो, बेगनआर, अल्टो र डिजार बिक्रीका हिसाबले टप ५ सेलिङ कारमा परेका छन् । लगातार चौथोपटक टप ५ सेलिङ कारमा मारुती सुजुकीका मोडलहरु पर्न सफल भएका हुन् ।

मारुती सुजुकी कम्पनीका अनुसार १ वर्षको अवधिमा १.७२ लाख युनिट बिक्रीका साथ स्विफ्ट अग्रस्थानमा पर्न सफल भएको छ । १.६३ लाख युनिट बिक्रीका साथ कम्पनीको बेलेनो कार दोस्रो स्थानमा छ भने १.६० लाख युनिट बिक्रीका साथ बेगनआर तेस्रो स्थानमा रहेको छ ।

यसैगरी चौथो स्थानमा १.५९ लाख युनिट बिक्री भएको अल्टो र १.२८ लाख युनिट बिक्रीका साथ डिजायर पाँचौँ स्थानमा पर्न सफल भएको छ । कम्पनीले गत मार्चमा मात्रै १ लाख ६७ हजार बढी युनिट कार बिक्री गरेको छ। यो गत वर्षको यही अवधिको तुलनामा दोब्बर रहेको कम्पनीले जनाएको छ ।

यो पनि पढ्नुहोस् :

ओपोले नेपालमा आफ्नो नयाँ स्मार्टफोन ओपो ए५४ सार्वजनिक