अखबार नेपाल ट्रेन्डिङ

काठमाण्डौं:  माछापुच्छ्रे बैंक लिमिटेडले कन्ट्याक्ट लेस कार्ड सेवा सुरु गरेको छ । बैंकले भिजा कार्डमार्फत हुने कारोबारलाई अझ सहज बनाउने उद्देश्यले कन्ट्याक्ट लेस कार्ड सेवा सुरु गरेको हो ।

माछापुच्छ्रे बैंक लिमिटेडले आमग्राहकलाई नयाँ र सहज सेवा प्रदान गर्दै जाने क्रममा उक्त कन्ट्याकलेस कार्ड सेवा सञ्चालनमा ल्याइएको जनाएको छ ।कन्ट्याकलेस कार्ड सेवाअन्तर्गत कन्ट्याकलेस कार्डको प्रयोग गरी पीओएस (पोइन्ट अफ सेल्स) मा कारोबार गर्दा आफ्नो कार्डको पिन नपर्ने र उक्त ‘ट्याप एन्ड पे’ सुविधायुक्त पीओएसमा ट्याप गरेर सजिलै कारोबार गर्न सकिने बैंकले जनाएको छ ।

कन्ट्याकलेस कार्डअन्तर्गत बैंकको डेबिट तथा क्रेडिट कार्ड प्रयोग गरी २ हजार रुपैयाँसम्मको भुक्तानी गर्दा पिनको आवश्यकता पर्दैन भने २ हजार रुपैयाँभन्दा बढीको कारोबार गर्दा कार्ड पिन नम्वर राख्नुपर्ने बैंकले जनाएको छ।

बैंकले उक्त सेवा आफ्ना अधिकांश पीओएस मसिनलाई ट्याप एन्ड पे सुविधायुक्तमा स्त्तरोन्नति गरिसकेको छ । बैंकका ग्राहकले नजिकको शाखामा सम्पर्क राखी कन्ट्याक्ट लेस कार्ड सुविधा लिन सक्नेछन्।

यो पनि पढ्नुहोस् :

नेपाली नयाँ वर्षको उपलक्ष्यमा ओपोको फोन नयाँ मूल्यमा