अखबार नेपाल ट्रेन्डिङ

काठमाडौं:  सनराइज बैंक लिमिटेडले ताप्लेजुङ्ग जिल्लामा शाखारहित बैंकिङ् सेवाको सुरुवात गरेको छ । उक्त शाखारहित बैंकिङ् सेवा संचालनमा आएसंगै बैंकको शाखारहित बैंकिङ् सेवा संख्या ७२ पुगेको छ ।

बैंकले ताप्लेजुङ्ग जिल्लाको फक्ताङलुङ गाउँपालिका वडा नं–६, लेलेपमा खोलेको शाखारहित बैंकिङ् सेवाको व्यवसाय प्रतिनिधिका रुपमा श्रीमती फुपु डोमा शेर्पालाई नियुक्त गरेको छ ।

बैंकको शाखारहित बैंकिङ् सेवा समुद्घाटन कार्यक्रममा फक्ताङलुङ गाउँपालिका वडा नं ६ का वडा अध्यक्ष छोवाङ शेर्पाको प्रमुख आतिथ्यतामा सम्पन्न भएको थियो । उक्त कार्यक्रममा सन्राइज बैंक फुङलिङ शाखाका शाखा प्रबन्धक ध्रुब प्रसाद बाँस्कोटा र शाखाका अन्य कर्मचारीहरुको उपस्थिति रहेको थियो ।

बैंकिङ् सेवाको माध्यमबाट बचत तथा भुक्तानीका लागि शाखा कार्यालय नभएको ठाँउमा शाखारहित बैंकिङ् सेवा अन्तर्गत ए टि एम कार्ड मार्फत कारोबार गर्न सकिने तथा ग्राहकवर्गले निक्षेप सकंलन, रकम भुक्तानी, रकम स्थानान्तरण, बिल भुक्तानी जस्ता सेवाहरु लिन सकिने बैंकले जनाएको छ ।

सन्राइज बैंक ले हालसम्म १३९ वटा शाखा, ७२ वटा शाखारहित बैंकिङ्ग सेवा, १२ वटा एक्सटेन्सन काउण्टर र १६१ वटा ए।टि।एम मार्फत आफ्ना ७ लाखभन्दा बढी ग्राहकहरुलाई सेवा प्रदान गर्दै आइरहेको छ ।

यो पनि पढ्नुहोस् :

कुमारी बैंकले उपाय सिटी कार्गो प्राइभेट लिमिटेडसंग सहकार्य गर्ने