काठमाडौं:  माछापुच्छ्रे बैंकले रुपन्देहिमा क्युआर कोड सेवा शुरु गरेको छ । नेपाल राष्ट्र बैंक, क्षेत्रिय कार्यालय भैरहवाका निर्देशक सुदिप फुयालले बिहिबार तिलोत्तमा स्थित योगिकुटी हाटबजारमा क्युआर कोड सेवाको शुरु गर्नु भएको हो । ।

माछापुच्छ्रे बैंकले रुपन्देहिमा योगिकुटी हाटबजारमा क्युआर कोड सेवा सुरु भएसंगै उपभोक्ताले आफुले खरिद गरेका दैनिक उपभोग्य बस्तु जस्तै तरकारी, फलफुल तथा लत्ता कपडाहरुको रकम क्युआर कोड बाट भुक्तानी गर्न सक्नेछन् ।

बैंक खाता मार्फत डिजिटल्ली भुक्तानी गर्दा ग्राहकको साथै व्यापरीलाई समेत खुद्रा पैसाको झन्झट नहुने, बचत गर्ने बानीको बिकास हुने, व्यापारीलाई हरेक दिन पैसा जम्मा गर्न बैंकसम्म जानुनपर्ने लगायतका थुपै सुविधाहरुको कारणले गर्दा क्युआर कोड सेवाको सबै वर्ग र क्षेत्रमा आर्कषण बढ्दै गएको छ । माछापुच्छ्रे बेंकले यहि कुरालाई मध्यनजर गर्दै पछिल्लो समय देशका धेरैजसो स्थानहरुमा यो सेवा प्रदान गर्दै आइरहेको छ ।

बैंकले स्थापना कालदेखि नै नयाँ नयाँ प्रविधिमा आधारित सेवा सुविधा ग्राहकमाझ ल्याउन कटिवद्ध रहेको र हालै मात्र नेपाली कर्मशियल बैंकिङ् इतिहासमा पहिलोपटक आफ्नै मोवाईल वालेट रेमिट्याप संचालनमा ल्याएको छ भने मोवाईल बैंकिङ् सेवा, इन्टरनेट बैंकिङ् सेवा, अनलाईन मार्फत खाता एंव मुद्धती खाता खोल्ने लगायतका थुप्रै अत्याधुनिक प्रविधिहरु आफ्ना ग्राहक माझ ल्याइसकेको छ ।

यो पनि पढ्नुहोस् :

नेपाल सरकार र विश्व बैंकबीच ऋण र अनुदान संबन्धि सम्झौता