पोखराका ३ स्थानमा माछापुच्छ्रे बैंकले क्युआर कोड सञ्चालन
वि.सं.२०७७ चैत २ सोमवार १४:४५
काठमाडौं: पोखराका ३ स्थानमा माछापुच्छ्रे बैंकले पोखरा स्थित हङकङ बजार पोखरेली ट्याक्सी सेवा प्रा लि तथा पोखरा सिद्दार्थ चोकको श्री कम्प्लेक्समा शुक्रबार देखि एकैसाथ क्यु.आर. कोड सेवा सञ्चालनमा ल्याएको छ । बैंकले पोखराका ३ स्थानमा एकैपटक भव्य क्यु आर कोड समुद्घघाटन समारोहको आयोजना गरेको हो ।
पोखराको नयाँ बजारमा रहेको हङकङ बजारमा शुक्रबार एक कार्यक्रमका बीच नेपाल राष्ट्र बैंकका कामु निर्देशक पुस्कर सुर्खाली तथा माछापुच्छ्रे बैंकका संचालक रोशन केसीले संयुक्त रुपमा उक्त समारोहको उद्घाटन गर्नु भएको हो ।
क्यु.आर. कोड सेवा संचालनमा आएपछि हङकङ बजार तथा श्री कम्प्लेक्समा तरकारी, फलफूल तथा अन्य कस्मेटिक सामान किन्न जाने उपभोक्ताले मोबाइल बैंकिङ एप्लिकेसन प्रयोग गरी तरकारी किन्न सक्नेछन् । साथै पोखरेली ट्याक्सी व्यवसायी अन्तर्गत सञ्चालनमा रहेका ट्याक्सीमा चढ्ने ग्राहकले क्यु आर कोडको प्रयोग गरि ट्याक्सी भाडा तिर्न सक्नेछन् ।
उक्त कार्यक्रममा बोल्दै नेपाल राष्ट्र बैंकका का.मु निर्देशक पुस्कर सुर्खालीले अबको युग डिजिटल युग भएको हुनाले आजैबाट आफ्ना हरेक कारोबार डिजिटल भुक्तानि मार्फत गर्न आम उपभोक्तालाई आग्रह गर्नु भएको छ ।
माछापुच्छ्रे बैंकले पोखराका ३ स्थानमा सुरु गरेको क्यु आर कोड सेवाको उपलब्ध भएका व्यवसायिक स्थान वा प्रतिष्ठानहरूको सङ्ख्या करिब ९००० पुगेको छ । ग्राहकले क्युआर कोड सेवा निशुल्क प्रयोग गर्न सक्नुहुनेछ ।
माछापुच्छ्रे बैंकले हालै मात्र नेपाली कर्मशियल बैंकिङ्ग इतिहासमा पहिलोपटक आफ्नै मोवाईल वालेट रेमिट्याप संचालनमा ल्याएको छ भने अन्य डिजिटल सेवाहरु जस्तै मोवाईल बैंकिङ्ग सेवा, इन्टरनेट बैंकिङ्ग सेवा, अनलाईन मार्फत खाता एंव मुद्धती खाता खोल्ने लगायतका थुप्रै अत्याधुनिक प्रविधिहरु आफ्ना ग्राहक माझ ल्याइसकेको छ ।
यो पनि पढ्नुहोस् :
नारायणी डेभलपमेण्ट बैंक लिमिटेडले हकप्रद शेयर विक्री खुला गर्ने
वि.सं.२०७७ चैत २ सोमवार १४:४५