अखबार नेपाल ट्रेन्डिङ

काठमाडौं: राष्ट्रिय फोटोपत्रकार समूहद्वारा आयोजना गरिएको राष्ट्रिय फोटोपत्रकारिता अवार्ड-२०७५ को लागि मुख्य प्रायोजन नेपाल लाइफ इन्स्योरेन्सले गर्ने भएको छ ।

“नेपाल लाइफ इन्स्योरेन्स राष्ट्रिय फोटोपत्रकारिता अवार्ड-२०७५” मा लाइफटाइम अचिभमेन्ट फोटोपत्रकारिता अवार्ड विधा पनि नेपाल लाइफ इन्स्योरेन्सको नामबाट वितरण गरिने भएको छ । शुक्रबार औपचारिक रुपमा आयोजक संस्थाका संयोजक प्रदीपराज वन्त र प्रायोजक संस्थाको तर्फबाट कर्पोरेट प्रमुख पवन कुमार खड्काबीच सम्झौतापत्रमा हस्ताक्षर भएको छ ।

लाइफ टाइम अचिभमेन्ट अवार्डबाट एक जना वरिष्ठ फोटोपत्रकारलाई दिईने भएको छ । पुरस्कारको राशी ५० हजार नगद सहित ट्रफी र सम्मान-पत्रले सम्मानित गरिनेछ । अन्य १४ विधाका अवार्ड पुरस्कार होटल अन्नपूर्ण दरबारमार्गमा यहि बैशाख १३ गते विशेष कार्यक्रमको आयोजना गरी वितरण गरिने छ ।

कार्यक्रममा गोल्डस्टार सुज खेलकुद फोटोपत्रकारिता अवार्ड, नेपाल टेलिकम डेली लाइफ फोटोपत्रकारिता अवार्ड, पन्चकन्या ग्रुप आर्थिक फोटोपत्रकारिता अवार्ड, थाहा अध्ययन राजनैतिक फोटोपत्रकारिता अवार्ड, लगायत विभिन्न अन्य विधाका अवार्डहरुमा आइएमईग्रुप, नेपाल एयरलाइन्स, इसेवा, देउराली जनता, नेपाल चेम्वर अफ कमर्स, होटल अन्नपूर्ण, रुस्लान म्यूजिक लगायतको सहयोग रहनेछ ।