अखबार नेपाल ट्रेन्डिङ

काठमाडौं:  कृषि विकास बैंकको चालु आर्थिक वर्षको पहिलो त्रैमासिक वित्तीय विवरण अनुसार बैंकले ४६ करोड १४ लाख खुद मुनाफा आर्जन गरेको छ ।

चालु आर्थिक वर्षको पहिलो त्रैमासमा बैंकको खुद नाफा २२ प्रतिशत घटेको छ ।

गत आर्थिक वर्षको सोहि अवधिमा बैंकले ५९ करोड ९० लाख रुपैयाँ खुद नाफा आर्जन गरेको छ ।

पहिलो त्रैमासमा बैंकले १ अर्ब ३६ करोड रुपैयाँ खुद ब्याज आम्दानी गरेको छ ।

गत वर्षको सोहि अवधिमा बैंकले १ अर्ब ६६ करोड रुपैयाँ खुद ब्याज आम्दानी गरेको थियो ।

यस अवधिमा अन्य सञ्चालन आम्दानी ६ करोड ९८ लाख रुपैयाँबाट बढेर २२ करोड १८ लाख पुगेको छ ।

बैंकले ६१ करोड १८ लाख सञ्चालन नाफा गरेको छ ।

गत आर्थिक वर्षको सोही अवधिसम्ममा यो नाफा ८२ करोड ८० लाख थियो ।

यस अवधिमा कम्पनीको खराब कर्जा घटेको छ ।

बैंकको खराब कर्जा अनुपात ३ दशमलव ७० प्रतिशतबाट घटेर २ दशमलव ३७ प्रतिशतमा झरेको छ ।

हाल कम्पनीको १४ अर्ब ९८ करोड रुपैयाँ चुक्ता पूँजी रहेको कम्पनीको जगेडा कोषमा ११ अर्ब १६ करोड रुपैयाँ छ ।

कृषि विकास बैंकको प्रतिशेयर आम्दानी २१ दशमलव ६६ बाट घटेर १५ दशमलव ९० मा झरेको छ भने प्रतिशेयर नेटवर्थ रू. २४४ दशमलव ९१ र मूल्य आम्दानी अनुपात २७ दशमलव ७ गुणा रहेको छ ।

यो पनि पढ्नुहोला : https://www.akhabarnepal.com/2020/11/19169/