अखबार नेपाल ट्रेन्डिङ

काठमाडौं:  नबिल बैंकले चालु आर्थिक वर्षको पहिलो त्रैमासमा १ अर्ब ३ करोड रुपैयाँ खुद नाफा आर्जन गरेको छ । अघिल्लो आर्थिक वर्षको सोहि अवधिमा १ अर्ब १२ करोड रुपैयाँ खुद नाफा कमाएको थियो । अघिल्लो आर्थिक वर्षको तुलनामा बैंकको नाफा ७ दशमलव ८२ प्रतिशतले घटेको हो ।

बैंकको खुद ब्याज आम्दानी र संचालन नाफा १७ दशमलव ६९ प्रतिशत र ७ दशमलव ६७ प्रतिशतले खुम्चिंदा खुद नाफा प्रभावित भएको हो । बैंकको वितरण योग्य नाफा ६२ दशमलव ८५ प्रतिशतले बढेको छ ।अघिल्लो आर्थिक वर्षमा ७४ करोड २२ लाख रुपैयाँ वितरण योग्य नाफा कमाएको बैंकले यस त्रैमासमा बढाएर १ अर्ब २० करोड रुपैयाँ पुराएको छ ।

नबिल बैंकको हालको चुक्ता पुँजी १० अर्ब ९ करोड रुपैयाँ रहेको छ भने रिजर्भ कोषमा १२ अर्ब ६१ करोड रुपैयाँ छ ।बैंकको प्रतिशेयर आम्दानी ३ रुपैयाँ ४८ पैसाले घटेर ४१ रुपैयाँ ०३ पैसामा झरेको छ । यसको प्रतिसेयर नेटवर्थ २६७ रुपैयाँ ०८ पैसा रहेको छ ।

यो पनि पढ्नुहोस्: https://www.akhabarnepal.com/2020/11/19136/