अखबार नेपाल ट्रेन्डिङ

काठमाडौं: नेपाल राष्ट्र बैंकले कोरोना भाईरस संक्रमणको जोखिमका कारण दशैं लक्षित नयाँ नोट सटही नगर्ने भएको छ ।

नयाँ नोट सटहीको व्यवस्था गर्दा लामो लाइन बस्ने र भीड हुन गई कोरोना संक्रमणको जोखिम झनै बढने भएकाले नयाँ नोट सटही नगर्ने निर्णय भएको बैंकले जनाएको छ । यसअघिका वर्षमा दशैंमा राष्ट्र बैंकले ५ रुपैयाँ, १० रुपैयाँ, २० रुपैयाँ, ५० रुपैयाँ र १ सय रुपैयाँ दरका नयाँ नोट सटही गर्दै आएको थियो ।

यस वर्ष राष्ट्र बैंकसँग नयाँ नोट मौज्दात भए पनि कोरोना भाईरस संक्रमणको जोखिमका कारण नोट सटही असम्भव भएको बैंकले जनाएको छ ।