अखबार नेपाल ट्रेन्डिङ

काठमाडौं:  नेपाल इन्भेष्टमेन्ट बैंकले चार अर्ब रुपैयाँको ऋणपत्र निष्कासन गर्ने भएको छ । ऋणपत्र निष्कासनकालागि इन्भेष्टमेन्टले नेपाल धितोपत्र बोर्ड ‘सेबोन’मा असोज ५ मा निवेदन दिएको छ ।

बैंकले ८.५ प्रतिशत प्रतिफल दिनेगरी सात वर्षे परिवक्व अवधिको ऋणपत्र  जारी गर्न बोर्डको अनुमति मागेको हो । बोर्डबाट अनुमति पाएसँगै बैंकले प्रतिएकाइ एक हजार रुपैयाँ दरका ४० लाख कित्ता ऋणपत्र निष्कासन गर्नेछ।

सोमध्ये १६ लाख कित्ता सर्वसाधारणका लागि र २४ लाख कित्ता व्यक्तिगत तबरबाट बिक्री गर्ने बैंकको योजना छ । बैंकले ऋणपत्रको  बिक्री प्रबन्धकमा आरबीबी मर्चेण्ट बैंकिङ लिमिटेडलाई नियुक्त गरेको जनाएको छ ।