अखबार नेपाल ट्रेन्डिङ

काठमाडौं: कृषि विकास बैंकले २४ अर्ब रुपैयाँ बराबरको ऋणपत्र निश्कासन गर्ने तयारी गरिरहेको छ । बैंकले प्रति ऋणपत्र १ हजार रुपैयाँका दरले १० वर्षका लागि ‘कृषि बण्ड’ निश्कासन गर्ने तयारी गरिरहेको जनाएको छ ।

बैंकका अनुसार २४ अर्ब रुपैयाँको ऋणपत्र २ करोड ४० लाख कित्ताको हुने र पहिलो चरणमा ५ देखि ६ अर्ब रुपैयाँसम्मको ऋणपत्र निश्कासन गर्ने तयारी गरेको छ । अहिले आन्तरिक तयारीमा रहेको र ऋणपत्र कहिले निश्कासन गर्ने भन्ने यकिन भैनसकेको बैंकले जनाएको छ ।

बैंकले ऋणपत्र सर्वसाधारणरणका लागि नभई सम्पूर्ण बैंकहरुका लागि भएकोले  ऋणपत्रका लागि बैंकहरुले मात्र आवेदन दिन सक्ने जनाएको छ । पहिलो चरणमा निश्कासन हुने ऋणपत्र ५ अर्बको भए ५० लाख कित्ता र ६ अर्बको भए ६० लाख कित्ता ऋणपत्र निश्कासन हुनेछ ।

कोभिडको समस्या समाधान भएर सहज वातावरण बने पहिलो चरणमा निश्कासन गरेको ऋणपत्रको मागका आधारमा विस्तारै निश्कासन ऋणपत्र जारी गर्दै जाने र बैंक अहिले सम्पूर्ण तयारीमा जुटेको छ ।

बैंकले उक्त रकम कृषिमा लगानी गर्ने र न्युनतम कति कित्ता र अधिकतम कति कित्तासम्म आवदेन दिन सकिने त्यो विस्तारै सार्वजनिक हुनेछ । अहिले बैंकले आन्तरिक कमिटी गठन गरि काम गरिरहेको छ ।