अखबार नेपाल ट्रेन्डिङ

काठमाडौं: अर्थमन्त्री डाक्टर युवराज खतिवडाले बहुवर्षीय आयोजनाको बजेट संघीय सरकार एक्लैले व्यवस्थापन गर्न नसक्ने स्पष्ट पारेका छन् । संघीय संसदको विकास तथा प्रविधि समितिको बैठकमा उनले प्रदेश र स्थानीय तहमा वित्तीय हस्तान्तरण भएकाले बहुवर्षीय आयोजनाको काममामात्रै स्रोत, साधन संचालन गरे संघीय सरकारले नयाँ आयोजनाको कामलाई अघि बढाउनसक्ने अवस्था नरहने तर्फपनि समितिका सदस्यहरुको ध्यानाकर्षण गराए ।

अर्थमन्त्री खतिवडाले राजस्वको बाँडफाँड गर्ने अधिकार प्रदेश र स्थानीय तहलाई दिएपछि बहुवर्षीय आयोजनाका लागि बजेटको व्यवस्था गर्ने संवैधानिक दायित्व प्रदेश र स्थानीय सरकारको पनि हुने स्पष्ट पारे । मन्त्री खतिवडाले चालू रहेका बहुवर्षीय आयोजनाको काम सम्पन्न नभई अर्को बहुवर्षीय आयोजनाको काम सुरु गर्ने परम्पराकाकारण पनि काम अघि बढाउन समस्या देखिएको उल्लेख गर्दै आगामी वर्षदेखि सबै समस्या समाधान हुने गरी काम गर्ने प्रतिवद्धता व्यक्त गरे ।