अखबार नेपाल ट्रेन्डिङ

काठमाडौं: ज्योति विकास बैंक लिमिटेड र डा. महाविर पुनद्वारा प्रवर्द्धित राष्ट्रिय आविष्कार केन्द्रबिच सहकार्य गर्ने सम्झौता भ​एको छ ।

बैंकले आफ्नो १२ औं वार्षिकोत्सवको अवसरमा डा. महाविर पुनद्वारा प्रवर्द्धित राष्ट्रिय आविष्कार केन्द्रसँग “न्यानो नानी” बेबी वार्मर सम्बन्धी परियोजनामा सहकार्य गर्ने घोषणा गरेको हो ।

ज्योति विकास बैंकका तर्फबाट बैंकका प्रमुख कार्यकारी अधिकृत चन्द्र भट्ट र राष्ट्रिय आविष्कार केन्द्रका तर्फबाट केन्द्रका अध्यक्ष डा महावीर पुनले सम्झौता पत्रमा हस्ताक्षर गर्नुभ​एको छ ।

ज्योति विकास बैंकले “हाम्रो विकास प्रवर्द्धन कोष​” मार्फत १० वटा “न्यानो नानी” बेबी वार्मर उपकरण बनाउनको लागि आवश्यक रु. ८ लाख राष्ट्रिय आविष्कार केन्द्रलाई प्रदान गर्नेछ ।

उक्त “न्यानो नानी” बेबी वार्मर उपकरण दुवै संस्थाहरुको संयुक्त सहकार्यमा देशका विभिन्न ग्रामीण तथा पहुंच नपुगेका अस्पतालहरुलाई प्रदान गरिनेछ​।

उक्त उपकरणले नवजात शिशुको शारिरिक तापक्रम उचित राख्दै देशको विभिन्न स्थानहरुमा शिशु मृत्युदर न्यूनीकरण गर्न योगदान पुर्याउने हुँदा बैंकले राष्ट्रिय आविष्कार केन्द्रसँग सम्झौता गरेको हो।