अखबार नेपाल ट्रेन्डिङ

काठमाडौं: एभरेष्ट बैंकको केन्द्रीय कार्यालयका २ जना कर्मचारीमा कोरोना भाइरस संक्रमण पुष्टी भएसंगै बैंकको केन्द्रीय कार्यालय बन्द भएको छ ।

एभरेष्ट बैंकले गत शुक्रबार केन्द्रीय कार्यालयका १ सय ५२ जना कर्मचारीको पीसीआर परीक्षण गराएको थियो । परीक्षण गरिएका मध्ये २ जनामा कोरोना भाइरस संक्रमण पुष्टी भएको छ ।

बैंकले केन्द्रीय कार्यालयलाई निसंक्रमण गर्नुपर्ने र अन्य कर्मचारीको कोरोना परीक्षण रिपोर्ट नआउँदा सम्म क्वारेन्टाइनमा बस्नुपर्ने भएकोले केन्द्रीय कार्यालय बन्द गर्न लागिएको राष्ट्र बैंकलाई जानकारी गराएको छ ।

बैंकले आफ्ना कर्मचारीमा कोरोना भाइरस संक्रमण पुष्टी भएकोले कार्यालय निर्मलीकरण र निसंक्रमण गर्नको लागि केही दिन बन्द गर्ने मौखिक रुपमा जानकारी गराएको नेपाल राष्ट्र बैंक स्रोतले जानकारी दिएको छ

नेपाल राष्ट्र बैंकले नजिकको अन्य स्थानबाट अरुमा संक्रमण विस्तार हुन नपाउने र बैंकको सेवा पनि अवरुद्ध नहुने विधि अपनाउन निर्देशन दिएको राष्ट्र बैंक स्रोतले जानकारी दिएको छ  ।