अखबार नेपाल ट्रेन्डिङ

काठमाडौ : स्वास्थ्य तथा जनसंख्या मन्त्रालयले काठमाडौमा फेरी लकडाउन गर्नका लागि छलफल अगाडी बढाएको छ ।

पाँच दिनभित्र लकडाउन नगरे स्थििति भयाबह हुने भन्दै लकडाउन गर्नका लागि मन्त्रालयले छलफल चलाएको हो ।

केही समयअघि लकडाउनको हल्ला भएपनि स्वास्थ्यमन्त्री भानुभक्त ढकालले त्यो गलत भएको बताएपनि अहिले दिन प्रतिदिन कोरोना संक्रमण हुनेको संख्या बढेपछि लकडाउनको तयारीमा मन्त्रालय पुगेको छ ।

स्वास्थ्य मन्त्रालयका प्रवक्ता डा. जागेश्वर गौतमले पटक–पकट सर्वसाधारणलाई स्वास्थ्य मापदण्डका उपाय अपनाउन आग्रह गर्दै आएका छन् ।

मन्त्रालय श्रोतका अनुसार पाँच दिनभित्र लकडाउन नगरे स्थिति भयाबह हुने खतरा बढेको छ । यसैगरी कोरोना बढे अस्पतालमा राखेर उपचार गर्नका लागि ठाउँ नहुने देखिन्छ । त्यसैले लकडाउनको तयारीमा मन्त्रालय पुगेको श्रोतले बताएको छ ।

यसैबीच नेपालमा पछिल्लो २४ घण्टामा थप २२ सय ५३ जनामा कोरोना भाइरस संक्रमण पुष्टि भएको छ । आइतबार स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता प्रा.डा. जागेश्वर गौतमले पछिल्लो २४ घण्टामा देशभरमा थप २२ सय ५३ जनामा कोरोना संक्रमण पुष्टि भएको जानकारी दिएका छन् ।