अखबार नेपाल ट्रेन्डिङ

काठमाडौं: नेपाल स्वास्थ्य अनुसन्धान परिषद्ले कोरोना भाइरसका १५ जना सङ्क्रमितको नमूना लिएर कोरोना भाइरसको अणुवांशिकको अध्ययन सुरु गरेको छ।

नेपालका सङ्क्रमितमा रहेको कोरोनाको जिन कस्तो प्रकारको हो भनेर अनुसन्धानकर्ताबाट पहिलो पटक निजी प्रयोगशालामा जिन सिक्वेन्सिङ थालिएको परिषद्का कार्यकारी निर्देशक डा. प्रदीप ज्ञवालीले जानकारी दिएका छन् ।

कोरोना संक्रमणका कारण मृत्यु भएका, निको भएका, लक्षण रहित र सामान्य सङ्क्रमित, बालबालिका, युवा र वृद्धा सङ्क्रमित तथा फरक-फरक देशबाट आएका सङ्क्रमितहरुको नमूना संकलन गरेर जिन सिक्वेन्सिङ गर्न थालिएको वरिष्ठ अनुसन्धान अधिकृत डा मेगनाथ धिमालले बताए ।

परिषद्ले जिनको अध्ययनपछि गुणस्तर परीक्षण गर्नका लागि विश्व स्वास्थ्य संगठनको स्वीकृति प्राप्त विदेशका प्रयोगशालामा १० प्रतिशत नमूना परीक्षणका लागि पठाउनेछ । जिन पत्ता लगेसंगै कोरोनाको उपचारका लागि आवश्यक भ्याक्सिन र औषधि पत्ता लगाउन सकिने परिषद्ले जनाएको छ।