अखबार नेपाल ट्रेन्डिङ

एजेन्सीः इटालीका प्रधानमन्त्री गिउसेपे कोन्टेले एक करोड ६० लाख मानिसलाई क्वारेन्टाइनमा राखिएको बताएका छन् । कोरोना महामारी भाइरस ‘कोभिड–१९’को महामारी फैलिएसँगै इटालीले मुलुकको लोम्बार्डी क्षेत्र र अन्य १४ प्रान्त सहित कम्तीमा एक करोड ६० लाख मानिसलाई अप्रिल ३ सम्म क्वारेन्टाइनमा राख्ने निर्णय गरेको हो ।

युरोपेली मुकुक मध्य सबैभन्दा बढी इटालीमा कोरोना भाइरस फैलिएको मुलुक हो कोरोना भाइरसको महामारी रोक्न इटालीले जिमखाना, स्वीमिङपुल, म्युजियम र स्काई रिसोर्टहरु बन्द गर्ने निर्णय गरेको छ । हाल इटालीमा कोरोना भाइरसबाट मर्नेको संख्या २ सय ३३ पुगिसकेको छ । यो भाइरसबाट संक्रमितको संख्या पनि ५ हजार ८ सय नाघिसकेको छ ।

इटालीको लोम्बार्डीको पुरै उत्तरी क्षेत्र , इटालीको वित्तीय केन्द्र मानिएको मिलान , भेनिस, पर्मा र मोडेनामा आपत्कालीन सेवा बाहेक सबै सेवा बन्द गरिएको छ । सरकारले क्वारेन्टाइनलाई नमान्ने मानिसलाई कम्तीमा तीन महिनाको जेल सजाय हुने निर्णय समेत गरेको बताईएको छ ।