अखबार नेपाल ट्रेन्डिङ

एजेन्सीः विश्वभर कोरोना भाइरसबाट संक्रमित हुनेहरुको संख्या एक लाखभन्दा बढी पुगेको छ । विश्वका ९० भन्दा बढी मुलुकका नागरिकहरुमा कोरोनाभाइरस रोग पत्ता लागेको जनाइएको छ । अन्तर्राष्ट्रिय सञ्चारमाध्यामहरुका अनुसार भाइरस संक्रमणबाट मृत्यु हुनेरुको संख्या विश्वभर ३४ सय ३६ जना पुगेको छ भने १ लाख १ हजार ७ सय १० जनामा संक्रमण देखिएको छ ।

चीनको जोन्स हपकिन्स विश्वविद्यालयका अनुसार चीनमा कम्तिमा ३ हजार ४२ जना व्यक्तिको मृत्यु भएको छ भने विश्वको अन्य भागमा ३ सय १४ जनाको मृत्यु भएको छ, जसमध्ये अधिकांश इटाली र इरानका रहेका छन् । इरानमा कम्तिमा १ हजार २ सय नयाँ संक्रमितहरु देखा परेका छन् । इरानको स्वास्थ्य मन्त्रालयले सार्वजनिक गरेको रिपोर्ट अनुसार थप १ सय २४ जनाको मृत्यु भएको छ । त्यस्तै इटालीमा १ सय ९७ जनाको मृत्यु भएको छ ।

त्यस्तै भारत र दक्षिण कोरिया पनि संक्रमणको संख्यामा वृद्धि भएको रिपोर्ट सार्वजनिक भएको छ । यसबाहेक, संयुक्तराज्य अमेरिकामा कोरोना भाइरसबाट मर्नेको संख्या १२ पुगेको छ । अमेरिकामा कोरोना संक्रमितहरुको संख्या बढ्ने क्रम सुरुभएपछि केह्री राज्यहरुमा आपत्काल घोषणा गरिएको छ ।