अखबार नेपाल ट्रेन्डिङ

एजेन्सीः चेल्सी एफ ए कपको क्वार्टरफाईनलमा प्रवेश गरेको छ । मंगलबार राति भएको पाँचौ चरणको खेलमा चेल्सीले लिभरपुललाई २–० गोल अन्तरले हराएको हो । लिभरपुल भने एफ ए कपबाट बाहिरिएको छ ।

गत शनिबार सिजको पहिलो हार ब्यहोर्ने क्रममा वाटफोर्डसँग पराजित भएपछि लिभरपुलले टिममा फेरबदल गरेको थियो । लिभरपुलका गोलकिपर एड्रियनको गल्तीको फाईदा उठाउँदै विलियनले १३औ मिनेटमा चेल्सीलाई सुरुवाती अग्रता दिलाएका थिए ।

६४ औ मिनेटमा एभर्टनका पुर्व खेलाडी रोस बार्कलीले गोलकिपरलाई समेत बिट गर्दै लण्डन क्लबको अग्रता दोब्बर बनाउने काम गरे । पछिल्लो नतिजाले चेल्सी प्रशिक्षक फ्रान्क लाम्पार्डलाई केही राहत मिलेको छ । च्याम्पियन्स लिगको अन्तिम १६ को दोस्रो लेगमा चेल्सीले स्पेनिस महारथी एट्लेटिको मड्रिडसंग खेल्दैछ । पहिलो लेगमा चेल्सी १–० ले पराजित बनेको थियो ।