अखबार नेपाल ट्रेन्डिङ

एजेन्सीः कोरोना भाइरसको त्रास फैलिएसँगै हङकङले आपत्किनल घोषणा गर्दै दुई साताका लागि प्राथमिक र माध्यमिक तहका विद्यालय बन्द गर्ने भएको छ । नयाँ वर्षका लागि बिदा भएका विद्यालय थप दुई साताका लागि बन्द गर्ने हङकङले घोषणा गरेको सञ्चारमाध्यमहरुले जनाएको छ । सुरुमा मध्य चीनको वुहानमा फेला परेको कोरोना भाइरस अहिले अन्य मुलुकमा पनि फैलिएको छ ।

हङकङका अधिकारीले पाँच जनामा कोरोना भइरसको संक्रमण भेटिएको बताएका छन् । साउथ चाइना मर्निङ पोस्टका अनुसार हङकङमा आगामी फेब्रुअरी ९ मा हुन लागेको म्याराथन पनि स्थगित भएको उल्लेख गरेको छ । म्याराथनमा ७० हजार सहभागी हुने अनुमानमा गरिएको थियो ।