अखबार नेपाल ट्रेन्डिङ

एजेन्सीः इन्ग्लिश प्रिमियर लिग फुटबलमा शीर्ष स्थानको लिभरपुलले सहज जित निकालेको छ । एनफिल्डमा आईतबार राति भएको खेलमा लिभरपुलले म्यानचेस्टर युनाइटेडलाई २-० गोल अन्तरले पराजित गरेको हो । घरेलु मैदानमा लिभरपुललाई जित दिलाउन भिर्गिल भान डाइक र मोहमद सलाहले एक एक गोल गरे ।

युनाइटेडविरुद्ध सहज जित निकाल्ने क्रममा लिभरपुलले दुबै हाफमा एक एक गोल गरेको थियो । खेलको १४ औं मिनेटमा भान डाइकले हेडबाट गोल गर्दै लिभरपुललाई सुरुवाती अग्रता दिलाएका थिए । ट्रेन्ट आर्नोल्डको कर्नरमा डाइकले उत्कृष्ट हेड गोल गरेका थिए । त्यसपछि खेलको इन्जुरी समयमा सलाहले गोल गर्दै लिभरपुललाई २-० को जित दिलाए । जितसँगै लिभरपुलले लिगमा अपराजित यात्रा कायम राखेको छ । र, लिभरपुलले लिगमा १६ अंकको अग्रता समेत बनाएको छ ।