अखबार नेपाल ट्रेन्डिङ

एजेन्सीः स्पेनिस लिगमा बार्सिलोनाले जित निकालेको छ । आईतबार राति भएको खेलमा बार्सिलोनाले ग्रानाडालाई १–० गोल अन्तरले हराएको हो । बार्सिलोनालाई जित दिलाउन मेस्सीले ७६ औं मिनेटमा विजयी गोल गरे । ६९औ मिनेटमा साञ्चेज रातो कार्ड खादै मैदान बाहिरिएपछि ग्रानाडा १० खेलाडीमा सिमित बनेको थियो ।

बार्सिलोनाले अधिकाशं समय बलमा पोजिसन लिएपनि गोल गर्न भने सकेन । तर ग्रानाडाले उत्कृष्ट डिफेन्सको नमुना प्रस्तुत गर्दै बार्सालाई रोक्न सफल भएको थियो । जब डिफेन्डर साञ्चेज कार्ड खादै मैदान बाहिरिए, मेस्सीले गोल गर्न सफल रहे । मेस्सीले जित सहित नयाँ प्रशिक्षक क्विक सेटिनलाई क्लबमा स्वागत गरेका छन् । अर्नेस्टो भाल्भर्डेलाई बर्खास्त गर्दै सेटिनलाई बार्सिलोनाले नयाँ प्रशिक्षकमा नियुक्त गरेको थियो । डेब्यु खेलमै सेटिनले जित प्राप्त गरेका छन् । जितसँगै बार्सिलोना ४३ अंक सहित तालिकाको शीर्ष स्थानमा फर्किएको छ ।