अखबार नेपाल ट्रेन्डिङ

काठमाडौं: ब्रदर्स एफसी हङकङद्वारा आयोजित दशै कप फुटसल प्रतियोगिताको उपाधि टिम ग्रीनले जितेको छ । प्रतियोगिता विजेता बनेसँगै टिम ग्रीनले, ट्रफी, मेडल र प्रमाणपत्र हात पारेको छ । यस्तै, उपविजेता बनेको टिम यल्लोले ट्रफी, मेडल र प्रमाणपत्रमा चित्त बुझायो ।

प्रतियोगितामा व्यक्तिगत उत्कृष्ट विधामा टिम ग्रीनका विजय थापा उत्कृष्ट गोलकिपर, टिम येल्लोका सुसन मगर उत्कृष्ट रक्षक, टिम येल्लोका अतित भण्डारी प्रतियोगिताको उत्कृष्ट खेलाडी बने भने टिम ग्रीनका राजकुमार ठकुरी (माने) उच्च गोलकर्ता बनेर व्यक्तिगत विधामा उपाधि चुमे ।

एक दिने प्रतियोगितामा ब्रदर्स एफसी टिम ग्रीन, टिम येल्लो, टिम रेड र टिम पिंकको सहभागीतामा खेल लिगको आधारमा खेलाइएको प्रतियोगिताका सल्लहकार सुनिल थापामगर र संयोगक इन्द्र लामाले बताए । आगामी दिनमा पनि स्वास्थका लागि खेलकुद भन्ने मुल नाराका साथ प्रतियोगिता आयोजना गरिने ब्रदर्स एफसी हङ्कङ्का अध्यक्ष हरि गुरुङले प्रतिवद्धता जनाए ।