अस्ट्रेलिया र जिम्बाबे, क्यानडा र यूएई तथा नेदरल्यान्ड्स र अमेरिकाबीच प्रतिष्पर्धा हुँदै
वि.सं.२०८२ फागुन १ शुक्रवार ०८:१९
924
shares
काठमाडौं: आईसीसी टी-२० विश्वकप अन्तर्गत आज तीन खेलहरु हुँदैछन् । आज समूह ‘बी’, ‘डी’ र ‘ए’ का तीन खेल हुन लागेका हुन् । पहिलो खेलमा समूह ‘बी’को अस्ट्रेलिया र जिम्बाबेले प्रतिस्पर्धा गर्दैछन् । पहिलो खेलमा विजयी भएका दुवै टिम दोस्रो जितको खोजीमा हुनेछन् । यो खेल बिहान ११:१५ बजे श्रीलंकाको कोलम्बोमा सुरु हुँदैछ ।
दोस्रो खेलमा समूह ‘डी’का क्यानडा र यूएई प्रतिस्पर्धा गर्दैछन् । यो खेल दिउँसो ३:१५ बजे भारतको दिल्लीमा हुँदैछ । एक-एक खेल खेलेका क्यानडा र यूएई विश्वकपमा जितबिहीन छन् । आजको अन्तिम खेलमा नेदरल्यान्ड्स र अमेरिका प्रतिस्पर्धा गर्दैछन् ।
समूह ‘ए’का यी दुई देशको खेल साँझ ७:१५ मिनेटमा चेन्नईमा सुरु हुँदैछ । नेदरल्यान्डले दुई खेल खेल्दा एक जित र एक हारको सामना गरेको छ भने अमेरिका जितबिहीन छ ।
वि.सं.२०८२ फागुन १ शुक्रवार ०८:१९




















