अखबार नेपाल ट्रेन्डिङ

काठमाडौं: काठमाडौंबाट चितवन जाँदै गरेको बा २ ख २८२९ नम्बरको हाइस धादिङमा दुर्घटना हुँदा १६ जना घाइते भएको धादिङ प्रहरीले जनाएको छ । प्रहरीका अनुसार शुक्रबार दिउँसो ३:३५ बजेतिर धादिङको गल्छी गाउँपालिका-८ गल्छी मोडमा दुर्घटना भएको हो ।

हाइसमा १६ जना यात्रु सवार रहेकोमा चालकसहित १६ जना घाइते भएका हुन् । घाइतेहरूलाई उपचारका लागि अम्बेभरोसा अस्पताल गल्छी पठाएको प्रहरीले जनाएको छ । घाइतेहरूको अवस्था केहीको सामान्य र केहीको मध्यम रहेको छ । हाइसको अचानक ब्रेक फेल भइ अनिन्त्रित हुँदा दुर्घटना भएको प्रहरीको अनुसन्धानबाट खुलेको छ ।