अखबार नेपाल ट्रेन्डिङ

काठमाडौं: नेपाल जारी काभा वुमन्स नेसन्स लिग भलिबलको फाईनलमा पुगेको छ । आज भएको सेमिफाइनलमा नेपालले इरानलाई सोझो सेटमा पराजित गर्दै फाईनलमा प्रवेश गरेको हो ।

नेपालले ईरानमाथि २५-२१, २८-२६ र २५-२० को सोझो सेटले जित्यो । नेपालले उपाधिका लागि भारतसँग खेल्ने छ । नेपाल र भारत यसअघि लिग चरणमा पनि भिडेका थिए जुन नेपालले जितेको थियो । अन्तर्राष्ट्रिय महिला भलिबलमा भारतमाथि नेपालले पहिलो पटक जित हात पारेको थियो ।

त्रिपुरेश्वरस्थित राष्ट्रिय खेलकुद परिषदको कभर्ड हलमा आज भएको पहिलो सेमिफाईनलमा श्रीलंकालाई ३-० को सेटमा पराजित गर्दै भारत फाइनलमा प्रवेश गरेको छ । भारतले श्रीलंकाविरुद्ध १५-२५, १६-२५ र २३-२५ को सोझो सेटले जित हात पार्दै फाईनल प्रवेश गरेको हो ।