अखबार नेपाल ट्रेन्डिङ

काठमाडौं: फिफा विश्वकप तथा एएफसी एसियन कप छनोटअन्तर्गत बहराइनसँग नेपाल ३-० गोल अन्तरले पराजित भएको छ । गएराति सम्पन्न खेलमा बहराइनको जितमा साएद बकेर, अब्दुल्ला युसुफ हेलाल र कामील अल अस्वादले एक एक गोल गरेका थिए ।

नेपालले तिनै गोल पहिलो हाफमा खाएको थियो । दोस्रो हाफ भने गोलरहित सकिएको थियो । जितसँगै  बहराइन समुह एचमा ४ खेलमा ९ अंक हासिल गरेको छ र समुहमा दोस्रो स्थानमा रहेको छ । नेपाल भने चार अंकविहिन हुदै पुछारमा रहेको छ ।

यस समुहमा युएई ४ खेलमा सबै खेल जितेर १२ अंकसहित शिर्ष स्थानमा छ भने यमनले ४ खेलमा एक खेल जितेर ३ अंकसहित तेस्रो स्थानमा रहेको छ । अब नेपालले विश्वकप छनौट अन्तर्गत आगामी जुनमा यमन र युएईसँग खेल्ने तालिका रहेको छ ।